ANIVERSARIO

Seguimos a ter un mes máis aniversario para celebrar. Desta volta só un,pero así de feliz facía a súa coroa...non quixo axudantes!!

 Pasiño a pasiño foille dando forma

 Ata que lle quedou así de fermosa

 Fomos celebralo cos dous alumnos da profe Marga que tamén estiveron de aniversario neste mes de abril,e alí comemos as patacas,gusanitos e galletas saladas :)

ANIVERSARIO

No mes de marzo estivemos de aniversio

 E para celebralo,nada mellor que facer a nosa coroa 

 Comprobamos no espello que nos quedara fermosa e fixémonos unha foto

 Aquí estamos co resto de compañeiros :)

 Xuntámonos todo Infantil na clase da profe Marga,que tamén tiña dúas alumnas de aniversario...aínda que elas xa facían 6 anos!!! e comemos as lambetadas que levaramos.

TÉCNICA : TALLAR OU ESCULPIR

Esta tempada estamos traballando nas catro técnicas básicas coas que se traballa en escultura.

A primeira que coñecemos foi a de tallar ou esculpir.

Primeiro tivemos que facer un boceto do que queriamos tallar,para logo traballalo sobre un bloque.

Aquí nos podedes ver traballando con moito tino,pois a esponxa rompe con moita facilidade.

Despois démoslle cor e tamén barnizamos con cola branca.

Nun folio pegamos,dun lado o boceto,e do outro o resultado escultórico.

Puxémoslle un título e pasamos á seguinte técnica :)

ANIVERSARIO

O venres celebramos o meu  aniversario

Como ven sendo costume,se queremos coroa temos que facela,a profe só nos fai a estrutura,e a decoración é cousa nosa.

Celebreino cos compañeiros das outras aulas de Infantil que tamén estiveron de aniversario neste mes de febreiro.

Entre todos sumamos o número de velas que vedes xusto enriba :)

Levamos lambetadas ao cole e pasámolo así de ben.

ENTROIDO

Slideshow made with Smilebox

A NOSA 1ª ESCULTURA

Deseñamos unha escultura partindo da idea que tiñamos sobre ela, e puxémoslle un nome.

O 1º paso foi traballar a plastelina

Unha vez feita ,puxémoslle un nome.

Démoslle brillo e consistencia con cola branca 

A profe fixo a base sobre a cal as iamos colocar, e estes son algúns dos resultados.

DÍA DA PAZ

Cada un de nós elaborou un boneco para o Xardín da Paz.

Foi unha proposta que fixo o Equipo de Convivencia do centro. 
Cada aula elaboraría , empregando como base esponxas de flores,o que quixera para facer entre todos o Xardín da Paz do cole de Tenorio.

Tamén pintamos uns corazóns, como premio ao traballo ben feito.

O venres fixemos intercambio co compañeiro que máis queriamos...salvo algún,que tiña moi claro que o corazón era para a súa nai ;)

ANIVERSARIO

Comezamos a rolda dos cativos que chegan aos cinco anos. 

Celebrámolo,como vén sendo costume este curso,co alumnado das outras dúas aulas de Infantil,que tamén cumpren anos.

A ESCULTURA

Neste 2º trimestre imos traballar a percepción do volume nos nenos empregando como centro de interese a escultura.
Partimos dos seus coñecementos previos,mediante a pregunta: que é unha escultura?

PABLO :  una cosa que sirve de adorno.

PAULA: una mariposa que vuela(estaba vendo a imaxe dunha escultura na pizarra que pertencía a un powerpoint que lle ía a poñer a continuación).

NELI:  algo que tienen los mandilones (as costuras... :)  ).

JAVI: un cuadro.

DIEGO:  un castillo de adorno.

NOA:  una pizarra ( estaba vendo a imaxe dunha escultura na pizarra que pertencía a un powerpoint que lle ía poñer a continuación).

LUCAS:  una escultura es para que esté en la hierba.

LUCÍA: una estatua.

MARTÍN: se construye con un martillo.

SHEILA:  una estatua de hielo.

CAROLINA: es algo de hierro que se construye con un martillo.

(* os nenos/as que faltan dixeron que non sabían o que era ).