VIDEO: SEMANA DO LIBRO

This free photo slideshow personalized with Smilebox

VIDEO: REPRESENTACIÓN CON TITERES

Esta é a representación  do conto de Carapuchiña Vermella que fixemos cos títeres,con motivo da celebración da semana do libro.

A PRENSA

O martes comezamos a traballar sobre a prensa. Como de costume,Maite preguntounos sobre os coñecementos previos que tiñamos sobre o tema,e isto é o que contestamos (premer na imaxe)

Logo lemos algunha das noticias que viñan na portada, e comentámolas.

VIDEO: ASÍ TRABALLAMOS

O venres a profe fíxonos un video para ensinarvos cómo traballamos.De paso que faciamos unha ficha sobre animais vertebrados e invertebrados,escoitabamos as cantigas de carapuchiña que soarán na representación de títeres ;)

REPRESENTACIÓN CON TÍTERES

Seguimos a sacarlle partido ao conto de carapuchiña. Comezamos o ano pasado vendo videos e contando a historia

As nosas familias axudáronnos a elaborar títeres relacionados co conto

Este curso fixemos un libro sobre Carapuchiña,inventamos un conto sobre carapuchiño,e agora toca cerrar o traballo representando a historia cos títeres.Será a vindeira semana,e hoxe iniciamos os ensaios.

 Traballamos por equipos,primeiro uns moviamos os títeres, e os outros miraban a función

 

E despois invertimos os papeis

OS EUROS

Comezamos a manexar as moedas de 1 e 2 euros,e os billetes de 5.

Laura foi a primeira que atopou xeitos distintos de sumar cinco euros

Cada un collemos unha moeda ou billete,e tivemos que xuntarnos de xeito que sumaramos a cantidade que nos indicaba a profe

Hugo,Aldara e Marea foron os máis rápidos para conseguir facer un equipo que sumara 6 euros

E Alicia e Laura as primeiras que fixeron unha decena de euros...cómo lle gustou o de ter o billete !!

 

Despois a profe dicíanos obxetos cun prezo e nós tiñamos que formar a cantidade

 

Finalmente fixemos unha ficha na que había que mercar o que máis nos gustara, pero sen pasarnos dos 10 euros...tampouco valía que nos sobrara nada

 

 

MEDALLÓN DA SEMANA DA CONVIVENCIA

Rematamos o medallón que fixemos na semana da convivencia e levámolo para a casa nun sobre,esta vez,feito con papel de xornal e gomets

 

XOGO: 4 EN RAIA

Na clase xogamos por equipos ( dous contra dous) ou por parellas.Aquí temos a opción de xogar contra a máquina...a ver que tal se nos da!

2ª RONDA DA MOCHILA VIAXEIRA

As principais novidades que inclúe a Mochila Viaxeira, esta vez, son:

Un caderno a partir do cal desenvolver a imaxinación e a creatividade.Cada folla fai unha proposta de traballo que nós completaremos do xeito que máis nos guste

Material coma o que temos na clase...

 

 

...entre este material van pinturas acuarelables.Pintan coma se fosen ceras,pero logo cun pincel podemos estender o trazo

 

















Desta volta trocamos as adiviñas por poesía,seguimos incluíndo un conto,un xogo de ordenador,un caderno no que seguir contando ou debuxando cousas alusivas ao material da mochila,e mudamos o Cd de fotos por un video sobre animais.

 

ACTIVIDADES NAS BIBLIOTECAS DE COTOBADE

Aproveitando que tódolos xoves realizamos actividades na biblioteca do cole,e que o 23 de abril celébrase o día do libro,achegámosvos o cartel que a mamá de Pablo Rial (3 anos) nos achegou para convidarvos a gozar das seguintes actividades nas bibliotecas públicas municipais de Tenorio e Carballedo:

ANIVERSARIO DE MAREA

Temos un novo membro no clube "dos seis anos" : Marea. Para celebralo tróuxonos unha mousse de chocolate riquísima.

Un dos desexos foi bailar a ritmo de papamericano e waka waka

 

Moitos parabéns,miña parruliña!!

FACEMOS MEDICIÓNS CON PALMOS E PÉS

Hoxe iniciámonos no mundo da medición.Comezamos con palmos e pés.
O 1º que medimos foi a mesa

 

Despois realizamos unha ficha onde nos tiñamos que colocar por parellas,medirnos mutuamente,e anotar o resultado.

 

Medimos máis palmos ca pés, e a profe preguntounos cómo era iso posible.

Breixo: porque os pés son máis grandes e fainos falta poñelos menos veces.  ;)

ANIMAIS VERTEBRADOS E INVERTEBRADOS

Aproveitando que Marga nos trouxo para observar un caracol e unha lombriga,a profe Maite falounos dos animais vertebrados e invertebrados.

Agora sabemos que son invertebrados porque non teñen ósos,e en grupos de tres,saímos a ver como se desprazaban .

VIDEO: OBRADOIRO DE BARRO

Experimentación,manipulación e creación acostuma a vir da  man da profe Puri.Desta volta o elemento empregado foi o barro.
Na seguinte presentación poderedes ver o obradoiro que realizamos.

OBRADOIRO DE BARRO - diapositivas

VIDEO : VISITAMOS O ZOO DE VIGO

This free photo slideshow generated with Smilebox

AS DECENAS

Hoxe comezamos a traballar as decenas.A profe preguntounos se alguén sabía o que era unha decena, e Diego,todo convencido,respostou: "yo si,es cuando alguien va a comer"   ;)
Para que haxa unha decena ten que haber 10 unidades, así que amañámonos para formar unha decena de nenos e nenas.

Sobráronnos estas cinco unidades

O segundo paso foi formar unha decena con rotuladores ou ceras

Logo movémonos un posto xirando segundo as agullas do reloxo, e comprobamos que o compañeiro/a que tiñamos ao lado tiña unha decena.

 

A pizarra serviunos para rodear decenas de números e círculos,ou poñerlle un punto a unha decena de círculos

Rematamos sempre do mesmo xeito,amosando nunha ficha a comprensión do concepto traballado.

Así de satisfeita estaba Marea porque lle saíran perfectas as operacións :)